Վան Սողոմոնյանը ծնվել է 1937 թվականին Թբիլիսիում (Վրաստան)։

Նրա առաջին գեղարվեստական կրթությունը ստացավ Թբիլիսիի Յակոբ Նիկոլաձեի անվան գեղարվեստական ուսումնարանում (1956–1958)։

Շարունակեց ուսումը Երևանի Թատերական-գեղարվեստական ինստիտուտում (1963–1968) — այժմ Գեղարվեստի ակադեմիա, որտեղ ձևավորվեց նրա ստեղծագործական լեզուն՝ պլաստիկական արտահայտչականության, հոգևոր խորհրդանշանակության և փիլիսոփայական խորության միաձուլումով։

1971 թվականից հանդիսանում էր ԽՍՀՄ և Հայաստանի նկարիչների միության անդամ։

1970-ականներից սկսած՝ Վան Սողոմոնյանը ակտիվորեն մասնակցել է միջազգային ցուցահանդեսների և սիմպոզիումների՝ ներկայացնելով հայկական արվեստը Իտալիայում, Ֆրանսիայում, Գերմանիայում, Շվեյցարիայում, ԱՄՆ-ում, Ճապոնիայում, Հունգարիայում, Լեհաստանում, ԽՍՀՄ-ում և այլ երկրներում։

1980-ականներին նա արդեն համարվում էր ժամանակակից կերամիկայի առաջատար վարպետներից մեկը՝ արժանանալով դիպլոմների և առաջին մրցանակի (1983) Ֆաենցայի (Իտալիա) միջազգային կերամիկայի մրցույթում։

1992 թվականին նկարիչը տեղափոխվեց Վիսբադեն (Գերմանիա), որտեղ ապրեց և ստեղծագործեց երեք տասնամյակ։

Իր կնոջ՝ նկարիչ Նոնա Գաբրիելյանի հետ հիմնեց Kunst Atelier V&N (1992–2022) արվեստանոցը, որը դարձավ ստեղծագործական կարևոր կենտրոն՝ միավորելով տարբեր երկրների և սերունդների արվեստագետների։

Ատելիեն մեծ ներդրում ունեցավ Վիսբադենի մշակութային կյանքում՝ ներկայացնելով բազմաթիվ անհատական և խմբային ցուցահանդեսներ և ծանոթացնելով գերմանական հասարակությանը ժամանակակից հայկական արվեստի հետ։

1998 թվականից նա հանդիսանում էր Գերմանիայի նկարիչների դաշնային միության (BBK) անդամ, իսկ 1999-ից՝ KERAMOS միջազգային ակադեմիայի (Վարշավա, Լեհաստան) անդամ։

Անհատական ցուցահանդեսներ

1986, 2018, 2023 — Հայաստանի նկարիչների միություն, Երևան

2020 — «Մարդն ու կենսոլորտը», Հայաստանի նկարիչների միություն, Երևան

2013, 2008, 2004, 1996, 1994, 1993 — Քրիստիան Ցայսի սրահ, Վիսբադեն, Գերմանիա

1980, 2013 — Ժամանակակից արվեստի թանգարան, Երևան

2006 — Հայաստանի ազգային պատկերասրահ, Երևան

2003 — Քաղաքապետարան, Վիսբադեն, Գերմանիա

2002 — «Art im Salztor» պատկերասրահ, Համբուրգ, Գերմանիա

2002, 1997, 1995 — Kreisgallery, Բերգհայմ, Գերմանիա

2000 — Քաղաքային պատկերասրահ, Հին քաղաքապետարան, Ֆյուրստենվալդե, Գերմանիա

1999 — «Cité Internationale des Arts», Փարիզ, Ֆրանսիա

1999 — «Galerie Artitude», Փարիզ, Ֆրանսիա

1997 — GRS-Centre, Քյոլն, Գերմանիա

1994 — Քաղաքային պատկերասրահ, Հալլե-ան-դեր-Զալե, Գերմանիա

1994 — Կերամիկայի թանգարան, Ֆրեխեն, Գերմանիա

1987 — Հայաստանի նկարիչների միություն, Երևան

1986 — Հայաստանի մշակույթի կենտրոն, Մոսկվա

Խմբային ցուցահանդեսներ և մրցույթներ

2022 — Ժամանակակից արվեստի թանգարանի 50-ամյակ, Երևան

2015 — «Art of Eastern Europe», Վալլաու, Գերմանիա

2013 — «Paintings of Eastern Europe», Մայն-Տաունուս պատկերասրահ, Հոխհայմ, Գերմանիա

1980–1999 — Միջազգային կերամիկայի մրցույթներ Della Ceramica d’Arte, Ֆաենցա, Իտալիա — դիպլոմներ և 1-ին մրցանակ (1983)

1978–1980 — Միջազգային բիենալե Biennale Internationale de Céramique d’Art, Վալլորիս, Ֆրանսիա

1998 — «Ocean», Palais des Nations, Ժնև, Շվեյցարիա

1992 — «Contemporary East European Ceramics», Ֆիլադելֆիա, Ատլանտա, Նյու Յորք, ԱՄՆ

1985 — «Retrospective of Armenian Art», Գեղարվեստի ակադեմիա, Մոսկվա և Սանկտ Պետերբուրգ

1973 — «Armenian Contemporary Art», Տոկիո, Ճապոնիա

Սիմպոզիումներ

2001 — Միջազգային կերամիկայի սիմպոզիում, Հալլե-ան-դեր-Զալե, Գերմանիա

1988 — Միջազգային կերամիկայի սիմպոզիում, Կեչկեմետ, Հունգարիա

1984, 1976 — Միջազգային սիմպոզիումներ, Ձինտարի, Լիտվա

1981 — Միջազգային կերամիկայի սիմպոզիում, Ռյոմհիլդ, Գերմանիա

1990 — «1915 թվականի հիշատակին», մարմար և բրոնզ, Խարտում, Սուդան

2013 — «Բարեկամություն» հուշարձան, գրանիտ, Մեղրի, Հայաստան

Հավաքածուներ

Հայաստանի ազգային պատկերասրահ, Երևան

Ժամանակակից արվեստի թանգարան, Երևան

Հայոց ցեղասպանության թանգարան-ինստիտուտ, Երևան

Ազգային ազգագրության թանգարան, Սարդարապատ, Հայաստան

Ցիմերլիի արվեստի թանգարան, Նյու Ջերսի, ԱՄՆ

Արևելքի պետական թանգարան, Մոսկվա, Ռուսաստան

Բոլորռուսական դեկորատիվ արվեստի թանգարան, Մոսկվա, Ռուսաստան

Միջազգային կերամիկայի թանգարան, Ֆաենցա, Իտալիա

Միջազգային կերամիկայի ստուդիա, Կեչկեմետ, Հունգարիա

Կերամիկայի թանգարան, Ռյոմհիլդ, Գերմանիա

Մորիցբուրգի թանգարան, Հալլե-ան-դեր-Զալե, Գերմանիա

Սերգեյ Փարաջանովի տուն-թանգարան, Երևան, Հայաստան